Author Topic: ຫຼັກແນວຄິດໃນການກັບມາເທຣດໃໝ່ ຫຼັງພອດລະເບີດ  (Read 101 times)

0 ສະມາຊິກ and 1 are viewing this topic.

Offline ແອັດມິນ.

  • Administrator
  • Full Member
  • *****
  • ຕອບກັບ: 217
    • View Profile
ແຮງບັນດານໃຈທີ່ຈະຂຽນກະທູ້ນີ້ກໍ່ຄືການເຫັນຄົນເຂົ້າມາໃນຕະຫຼາດຟໍເຣັກແລ້ວພອດລະເບີດຢ່າງໄວໂດຍທີ່ບໍ່ທັນໄດ້ເທຣດແທ້ໆຊ້ຳ ເລີຍຢາກເອົາປະສົບການເລັກນ້ອຍມາແຊຣ໌ໃຫ້ອ່ານ.
ເພາະແທນທີ່ເຮົາຈະມົວແຕ່ມາຈົມປັກຢູ່ກັບຄວາມຜິດຫວັງຢາກໃຫ້ລອງມາຄິດເບິ່ງດີໆແລ້ວຈະຮູ້ວ່າການລຸກຂື້ນມາຈາກຈຸດນັ້ນໆມັນງ່າຍກ່ວາທີ່ທ່ານຄິດ. ຫຼາຍຄົນທີ່ເຂົ້າມາໃນຕະຫຼາດຟໍເຣັກຕ້ອງເຄີຍໄດ້ຍິນວ່າຄົນຫຼາຍກ່ວາ 90% ນັ້ນອົກຫັກໃນສະໜາມຮົບແຫ່ງນີ້ເຊິ່ງມັນກໍ່ຍາກທີ່ຈະຮັບໄດ້ ແຕ່ໃນມຸມມອງຂອງຂ້ອຍຄິດວ່າສິ່ງນັ້ນມັນກໍ່ບໍ່ຈິງທັງໝົດ.
ໃນການເທຣດນັ້ນຈິງໆແລ້ວມັນມີກົນລະຍຸດ ແລະ ແຜນການເທຣດຫຼາກຫຼາຍຢ່າງແຕ່ກໍ່ຄວນລະວັງບໍ່ໃຫ້ຕົກເປັນເຫຍື້ອຂອງເກມການພະນັນ ແລະ ການເທຣດດ້ວຍອາລົມທີ່ຄິດຢາກຈະແກ້ແຄ້ນ ຫຼື ເອົາຄືນ ເພາະສິ່ງນັ້ນມັນເປັນເຫດຜົນຫຼັກໆທີ່ເຮັດໃຫ້ຄົນທີ່ເຂົ້າມາໃນຕະຫຼາດແຫ່ງນີ້ລົ້ມເຫຼວ ແລະ ຄວາມຝັນພັງທະລາຍ ເພາະໃນໂລກໃບນີ້ແມ້ແຕ່ເທຣດເດີທີ່ເກັ່ງໆກໍ່ຍັງເຄີຍຕົກອັບໃນຈຸດທີ່ຕ່ຳທີ່ສຸດມາແລ້ວບໍ່ຕ່າງກັບພວກເຮົາຫຼາຍໆຄົນ ຈົນສຸດທ້າຍພວກເຂົາພະຍາຍາມຈົນສາມາດລຸກຂື້ນຈົນກາຍມາເປັນຜູ້ທີ່ສາມາດສ້າງກຳໄລຢ່າງສະໝໍ່າສະໝີໄດ້.
ເຊື່ອເຖີດວ່າ ມັນເປັນໄປໄດ້ !
ສະນັ້ນກ່ອນທີ່ເຮົາຈະຕົກຢູ່ໃນພະວັງຂອງຄວາມລົ້ມເຫຼວ ແລະ ສິ້ນສັດທາຕະຫຼອດໄປນັ້ນ ລອງມາອ່ານຂັ້ນຕອນເລັກນ້ອຍເຫຼົ່ານີ້ເພື່ອທ່ານອາດຈະໄດ້ແຮງບັນດານໃຈຂື້ນບໍ່ຫຼາຍກໍ່ນ້ອຍ.

1.   ຍອມຮັບຄວາມຜິດຫວັງ
ແນວຄິດທີ່ດີທີ່ສຸດໃນການກ້າວເດີນໃນເສັ້ນທາງນີ້ຕໍ່ໄປຄືການຍອມຮັບໃນສິ່ງທີ່ທ່ານເຮັດຜິດ ແລະ ພອດຂອງທ່ານທີ່ສ່ວນ Balance ກາຍເປັນ ສູນ. ເທຣດເດີຫຼາຍໆທ່ານຍອມປ່ອຍໃຫ້ຕົວເອງຈົມຢູ່ກັບສິ່ງເຫຼົ່ານັ້ນ ເພາະເຊື່ອວ່າຕົວເອງບໍ່ມີຄວາມສາມາດພຽງພໍທີ່ຈະເຮັດສິ່ງນັ້ນໃຫ້ມັນດີຂື້ນກ່ວາເດີມ ຫຼື ເຊື່ອວ່າຕົວເອງບໍ່ມີຄ່າພໍທີ່ຈະໄດ້ຮັບສິ່ງນີ້ ຄືຄວາມສາມາດໃນການສ້າງກຳໄລແບບສະໝ່ຳສະເໝີ
ແຕ່ເທຣດເດີທີ່ປະສົບຜົນສຳເລັດກັບເບິ່ງສິ່ງເຫຼົ່ານັ້ນຕ່າງອອກໄປ. ເທຣດເດີສ່ວນນ້ອຍນັ້ນຈະມອງຂ້າມສິ່ງເຫຼົ່ານັ້ນແລະຍອມຮັບວ່າການເທຣດນັ້ນມີຄວາມສ່ຽງສະເໝີ ແລະ ການທີ່ພອດລະເບີດນັ້ນບໍ່ຢູ່ໃນອຸດົມຄະຕິຂອງພວກເຂົາ ເພາະມັນເປັນສິ່ງທີ່ຈະເກີດຂື້ນໄດ້ຕະຫຼອດເວລາກັບເທຣດເດີທຸກໆຄົນ ແລະ ຄົນທີ່ມອງແບບນີ້ນັ້ນມີນ້ອຍເລີຍເຮັດໃຫ້ຄົນສ່ວນໃຫຍ່ຫຼືກ່ວາ 90% ຂອງຄົນທີ່ເຂົ້າມາເທຣດນັ້ນໜີຫາຍຕາຍຈາກໄປແລ້ວຫັນຫຼັງໃຫ້ກັບຕະຫຼາດ. ເພາະແທນທີ່ຈະມົວແຕ່ມາໂສກເສົ້າເສຍໃຈເຮົາຄວນມອງຫາໂອກາດ ແລະ ຄວາມຮູ້ໃນການພັດທະນາຕົວເອງໃຫ້ເປັນເທຣດເດີທີ່ດີດີກ່ວາ. ຄົນສ່ວນໃຫຍ່ໃນຕ່າງປະເທດເຂົາຈະບໍ່ຍອມແພ້ພ້ອມກັບຍອມຮັບໃນສິ່ງທີ່ເກີດຂື້ນເຮົາຈຶ່ງເຫັນວ່າເທຣດເດີເກັ່ງໆສ່ວນຫຼາຍນັ້ນເປັນຕ່າງປະເທດ ແລະ ບໍລິສັດ ຫຼື ນັກທຸລະກິດດັ່ງໆກະເປັນຄົນຕ່າງປະເທດ ຊຶ່ງກະຕ້ອງຍອມຮັບໃນການສອນຄົນຂອງກະເຈົ້າທີ່ສອນໃຫ້ມອງໂລກໃນແງ່ດີແລະໃຫ້ມັນເຂົ້າເຖິງໃນຈິດວິນຍານໃນການດຳລົງຊີວິດ.

2.   ຊອກຕ່າງຈຸດຜິດພາດ
ຖ້າທ່ານເຄີຍເທຣດຄົງເຄີຍພົບກັບປະສົບການພອດລະເບີດແລະສູນເສຍເງິນທີ່ທ່ານຫາມາຢ່າງຍາກລຳບາກ ແຕ່ທ່ານເຄີຍຖາມຕົວເອງບໍວ່າເປັນຍ້ອນຫຍັງ? ເພາະຄົນສ່ວນໃຫຍ່ເອົາແຕ່ໂທດລະບົບ, ໂທດຄົນອື່ນໂດຍບໍ່ເບິ່ງຕົວເອງ...
ຍາກໃຫ້ພວກເຮົາລອງສັງເກດດີໆແບບລະອຽດໃນລະບົບການເທຣດຂອງເຮົາເພາະເຊື່ອວ່າທຸກຄົນມີຢ່າງນ້ອຍໜຶ່ງລະບົບໃນການເທຣດຢູ່ແລ້ວບໍ່ແມ່ນການອອກອໍເດີແບບເດົາສຸ່ມແຕ່ທັງນັ້ນເຮົາກໍ່ຍັງບໍ່ເຄົາລົບກົດເກນເຫຼົ່ານັ້ນແມ່ນບໍ?
ການໃຊ້ຄວາມສ່ຽງສູງເກີນໄປ? ເຮົາໄດ້ເຮັດຕາມແຜນການເທຣດຂອງເຮົາແທ້ບໍເວລາອອກອໍເດີ? ແລະທ່ານຍັງເຊື່ອຢູ່ບໍວ່າລະບົບເທຣດຂອງທ່ານນັ້ນໃຊ້ໄດ້ແນ່ນອນ? ເຮົາລອງມາທົບທວນສິ່ງຕ່າງໆທີ່ເກີດຂື້ນເບິ່ງວ່າເຮົາກຳລັງເຮັດຫຍັງຢູ່? ແລະ ລອງທົດລອງເທຣດໃນວິທີທີ່ແຕກຕ່າງອອກໄປເພື່ອຫາຜົນລັບທີ່ຈະເກີດຂື້ນເບິ່ງຈະດີກ່ວາເທຣດແບບເກົ່າ ແລະ ຈຸດຈົບຄືເກົ່າດີບໍ.

3.   ກັບໄປເທຣດເດໂມ
ຫາກໝົດພະລັງໃຫ້ມາລອງການເທຣດເດໂມ ເພາະເປັນວິທີ່ສ້າງອີໂກໃນການເທຣດໄດ້ດີທີ່ສຸດ ເພາະມັນຕັດແຮງກົດດັນຕ່າງໆອອກໃນລວມທັງອາລົມຂອງເຮົາອອກໄປນຳ ແລະ ຜົນການເທຣດເດໂມສ່ວນໃຫຍ່ຈະໄດ້ກຳໄລຕະຫຼອດ ຫຼ!ຍຄົນເທຣດເດໂມໄດ້ເງິນບາດໄປເທຣດບັນຊີຈິງເສຍເງິນລະກະໂທດວ່າເດໂມໂບຼກແຕ່ງກຣາຟ ຖ້າຄິດແບບນັ້ນຈິງໆກະໄປເປີດກຼາຟໃສ່ກັນໂລດວ່າຄວາມຈິງແມ່ນໃຜທີ່ຜິດ!
ຕະຫຼາດນັ້ນມັກຈະມີການອ່ອນນ່ອມຖ່ອມຕົນໃຫ້ເຮົາໃນບາງຊ່ວງເວລາສະເໝີ ແລະ ມັນບໍ່ເລືອກວ່າເຮົາແມ່ນໃຜ ເພາະແມ້ແຕ່ໂປຼເທຣດເດີຍັງຖືກມັນຈັດການມາໝົດແລ້ວ.ແຕ່ຄົນທີ່ສະຫຼາດ ແລະ ມີໄຫວພິວຈະຮູ້ດີວ່າການສ້າງຄວາມໝັ່ນໃຈກ່ອນທີ່ຈະໃຊ້ມືກົດໄປທີ່ປຸ່ທອອກອໍເດີນັ້ນເປັນແນວໃດເພາະຖ້າເຮົາບໍ່ມີຄວາມໝັ່ນໃນເຮົາຈະອອກອໍເດີ ແລະ ເທຣດບໍ່ເປັນລະບົບເຊິ່ງຕະຫຼາດມັນກະໄດ້ເກັງໃນເຮົາຖ້າເຮົາໄປຜິດທາງ.

4.   ເປີດບັນຊີເພີ່ມ
ໃນການເທຣດເດໂມນັ້ນງ່າຍ ແລະ ເປັນການທົດລອງເທຣດທີ່ດີແຕ່ຖ້າເທຣດເດໂມໄປຕະຫຼອດຄວາມຝຝັນທີ່ຢາກມີເຮືອນ, ມີລົດ ຫຼື ໄປທ່ຽວຕ່າງປະເທດກັບຄົນທີ່ທ່ານຮັກຄົງເກີດຂື້ນບໍ່ໄດ້ໃນຊີວິດຈິງ. ມັນບໍ່ມີໄລຍະເວລາແນ່ນອນທີ່ຈະບອກວ່າທ່ານຕ້ອງເທຣດບັນຊີເດໂມໄປດົນປານໃດເພາະທ່າທ່ານລອງເທຣດມາຮອດຈຸດໆໜຶ່ງທ່ານຈະຮູ້ເອງມາເມື່ອໃດທີ່ທ່ານພ້ອມຈະກເທຣດບັນຊີຈິງ. ແລະ ເມື່ອທ່ານຄິດວ່າພ້ອມຈົງຍາລັງເລທີ່ຈະເປີດບັນຊີຈິງກ່ອນທີ່ຈິດວິນຍານການເທຣດຂອງທ່ານຈະສູນສິ້ນໄປ ຢາກໃຫ້ລອງເທຣດບັນຊີຈິງກກັນດ້ວຍເງິນຈິງໆຂອງທ່ານແມ້ຈະເປັນຈຳນວນນ້ອຍແລະເປັນເງິນທີ່ທ່ານຕຽມໃຈໃວ້ແລ້ວວ່າຫາກທ່ານເສຍເງິນສ່ວນນີ້ໄປມັນກໍ່ບໍ່ກະທົບຕໍ່ການດຳລົງຊີວິດຂອງທ່ານ.
ແຕ່ຢ່າລືມວ່າມນການກັບລົງສະໜາມຄັ້ງນີ້ເຮົາຕ້ອງຍືດຕິດໃນແຜນການເທຣດຂອງເຮົາຢ່າງເຂັ່ມງວດ ເຊິ່ງທ່ານອາດບໍ່ເຫັນກຳໄລແບບລູດປາດດດທັນໃຈແຕ່ຄຸນນະສົມບັດຂອງເທຣດເດີທີ່ດີນັ້ນເປັນຫົນທາງສູ້ຄວາມສຳເລັດ.

ທ້າຍສຸດສິ່ງທີ່ສຳຄັນທີ່ສຸດທີ່ຢາກໃຫ້ລະນຶກໃນໃຈສະເໝີຄື: ຈົ່ງຢ່າຍອມແພ້ ເພາະ ຖ້າທ່ານບໍ່ເຊື່ອໃນຕົວເອງ ໂລກໃບນີ້ຄົງບໍ່ມີໃຜທີ່ຈະເຊື່ອໃນຕົວທ່ານ.


ທຸກການລົງທຶນມີຄວາມສ່ຽງ ທາງເວັບໄຊຣເຮົາເປັນພຽງຊື່ກາງໃນການໃຫ້ຄວາມຮູ້ ແລະ ໃຫ້ຂໍ້ມູນກ່ອນການຕັດສິນໃຈຂອງນັກລົງທຶນ ຄວາມສ່ຽງຕ່າງໆທີ່ອາດອາດຈະເກີດຂຶ້ນນັກລົງທຶນຕ້ອງຮັບຜິດຊອບເອງທັງໝົດ ທາງເວັບໄຊຣບໍ່ມີສ່ວນກ່ຽວຂ້ອງໃດໆຂອງຄວາມເສຍຫາຍທີ່ອາດຈະເກີດຂຶ້ນ ແລະ ທາງເວັບໄຊຣເຮົາບໍ່ມີການລະດົມທຶນໃດໆ ແລະ ຫ້າມສະມາຊິກເຮັດການກະທຳທີ່ມີທ່າອ່ຽງໃນການລະດົມທຶນທັງໝົດ ຖ້າພົບເຫັນທາງເຮົາຈະມີການແບນສະມາຊິກຜູ້ນັ້ນທັນທີ ໂດຍບໍ່ແຈ້ງໃຫ້ຮູ້ລ່ວງໜ້າ

Offline Cnp

  • Newbie
  • *
  • ຕອບກັບ: 21
    • View Profile
Re: ຫຼັກແນວຄິດໃນການກັບມາເທຣດໃໝ່ ຫຼັງພອດລະເບີດ
« ຕອບກັບກະທູ້ນີ້ #1 on: August 08, 2019, 12:25:39 PM »
ເລີ່ມມີພະລັງຂຶ້ນມາທັນທີຫຼັງຈາກອ່ານຈົບ  :-X

Offline Forex trader

  • Newbie
  • *
  • ຕອບກັບ: 18
    • View Profile
Re: ຫຼັກແນວຄິດໃນການກັບມາເທຣດໃໝ່ ຫຼັງພອດລະເບີດ
« ຕອບກັບກະທູ້ນີ້ #2 on: August 08, 2019, 12:30:02 PM »
ບົດຄວາມດີໆແບບນີ້ດັນໆ ໃຫ້ອ້າຍນ້ອງເທຣດເດີ້ໄດ້ສຶກສາ